മുന് മഹാരാഷ്ട്ര മന്ത്രിയും എന്സിപി നേതാവുമായ ബാബ സിദ്ദിഖിയുടെ കൊലപാതകവുമായി ബന്ധപ്പെട്ട് ഒരാള് കൂടി അറസ്റ്റിലായതായി അധികൃതര് അറിയിച്ചു. ഉത്തര്പ്രദേശിലെ ബഹ്റൈച്ചിലുള്ള ഹരീഷ് കുമാര് ബാലാക്രം(23) ആണ് അറസ്റ്റിലായത്.
മഹാരാഷ്ട്രയിലെ പൂനെയില് പഴയ വസ്തുക്കളുടെ കച്ചവടം ചെയ്യുന്ന ഇയാള് ബാബാ സിദ്ദിഖിയുടെ കൊലപാതകവുമായി ബന്ധപ്പെട്ട ഗൂഡാലോചനയില് പങ്കാളിയായിരുന്നുവെന്നും അധികൃതര് കൂട്ടിച്ചേര്ത്തു.
ബഹ്റൈച്ചില് നിന്നാണ് ഇയാള് അറസ്റ്റിലായത്. ഇതോടെ സിദ്ദിഖിയുടെ കൊലപാതകവുമായി ബന്ധപ്പെട്ട് 4 പേര് അറസ്റ്റിലായി.
മറ്റൊരു പ്രതിയായ ശിവകുമാര് ഗൗതം ഇപ്പോഴും ഒളിവിലാണ്.