മൂന്നുലക്ഷം രൂപയ്ക്ക് നവജാത ശിശുവിനെ വിറ്റ സംഭവത്തിൽ അമ്മയെയും അറസ്റ്റു ചെയ്തു. കാഞ്ഞിരക്കുളം സ്വദേശി അഞ്ചുവിനെയാണ് തമ്പാനൂര്‍ പൊലീസ് അറസ്റ്റുചെയ്തത്. കുഞ്ഞിന്റെ അമ്മയുടെ പങ്കാളിയായ നെടുമങ്ങാട് പുല്ലമ്പാറ ചുള്ളാളം ആയിരവല്ലി ശിവക്ഷേത്രത്തിന് സമീപം റോഡരികത്ത് പുത്തൻകരവീട്ടിൽ ജിത്തു(27)വിനെ കഴിഞ്ഞ ദിവസം അറസ്റ്റ് ചെയ്തിരുന്നു.
കരമന സ്വദേശിനിയായ ലാലിയാണ് കുഞ്ഞിനെ വാങ്ങിയത്. ഇവരില്‍ നിന്നുള്ള മൊഴിയും തെളിവുകളും അനുസരിച്ചാണ് പൊലീസ് പ്രതികളിലേക്കെത്തിയത്. കുഞ്ഞിനെ വാങ്ങാൻ ഇടനില നിന്നത് ജിത്തുവായിരുന്നു. ലാലിയെ നേരത്തെ കേസില്‍ പ്രതിചേര്‍ത്തിരുന്നു. ചൈൽഡ് വെൽഫെയർ കമ്മറ്റിയുടെ പാരാതിയുടെ അടിസ്ഥാനത്തിലാണ് പൊലീസ് കേസെടുത്തത്.
English Sammury: mother arrested, who sold the baby for Rs 3 lakh was also
