വഴുതക്കാട് ട്രിവാൻഡ്രം ക്ലബ്ബിന് മുന്നില് യുവാക്കള് സഞ്ചരിച്ച ബൈക്കില് കാറിടിച്ച സംഭവത്തിൽ നടൻ മണിയൻപിള്ള രാജുവിന് ജാമ്യം. ഇന്നലെ രാത്രി അപകടത്തിനിടയാക്കിയ കാര് കണ്ടെത്തി പൊലീസ് കസ്റ്റഡിയില് എടുത്തു. കവടിയാർ ടെന്നീസ് ക്ലബ്ബിന്റെ പിന്നിൽ നിന്നാണ് മണിയൻപിള്ള രാജുവിന്റെ കാര് കണ്ടെത്തിയത്.
തന്റെ കാറിലാണ് ബൈക്ക് വന്നിടിച്ചതെന്നും ബൈക്ക് യാത്രക്കാര് അമിത വേഗതയിലായിരുന്നുവെന്നുമാണ് മണിയന്പിള്ള രാജുവിന്റെ മൊഴി. ഭാര്യ തനിച്ചായിരുന്നതിനാലാണ് നിര്ത്താതെ പോയത്. പരുക്കേറ്റവരെ ആശുപത്രിയിലെത്തിക്കാന് താന് വിളിച്ച് പറഞ്ഞിരുന്നുവെന്നും താന് ചിക്കുന് ഗുനിയ ബാധിതനാണെന്നും അദ്ദേഹം വിശദീകരിച്ചു.