സിപിഐ സംസ്ഥാന സെക്രട്ടറിയായി ബിനോയ് വിശ്വം ചുമതല ഏറ്റു. പാര്‍ട്ടി സംസ്ഥാനകമ്മിറ്റി ഓഫീസായി പ്രവര്‍ത്തിക്കുന്ന പട്ടത്തെ പി എസ് സ്മാരകത്തിലെത്തിയാണ് ബിനോയ് വിശ്വം സെക്രട്ടറിയുടെ ചുമതല ഏറ്റത്. കഴിഞ്ഞ ദിവസം പാര്‍ട്ടി കോട്ടയം ജില്ലാ കമ്മിറ്റി ഓഫീസില്‍ കൂടിയ സംസ്ഥാന എക്സിക്യുട്ടീവ് യോഗത്തിലുണ്ടായ തീരുമാനപ്രകാരമാണ് ബിനോയ് ചുമതല ഏറ്റെടുത്തത്.
നിലവില്‍ പാര്‍ട്ടി കേന്ദ്ര സെക്രട്ടറിയേറ്റ് അംഗവും, എഐടിയുസി വര്‍ക്കിങ് പ്രസിഡന്റും രാജ്യസഭാ അംഗവുമാണ്. സിപിഐ മുഖപത്രമായ ന്യൂഏജ് പത്രാധിപരുമാണ്.ജനയുഗം ദിനപത്രം, ട്രേഡ് യൂണിയന്‍ മാസിക എന്നിവയുടെ പത്രാധിപരായിരുന്നു ബിനോയ് വിശ്വം. ബിനോയ് വിശ്വം ചുമതല ഏറ്റ ചടങ്ങില്‍ എഐടിയുസി സംസ്ഥാന ജനറല്‍സെക്രട്ടറി കെ പി രാജേന്ദ്രന്‍, പാര്‍ട്ടി സംസ്ഥാന അസി. സെക്രട്ടറി പി പി സുനീറും, ഓഫീസ് ജീവനക്കാരും പങ്കെടുത്തു.
English Summary:
Benoy Vishwam took charge as CPI state secretary
You may also like this video:
