കൊച്ചിയിൽ വൻ കുഴൽപ്പണവേട്ട. വില്ലിങ്ടൺ ഐലൻറിന് സമീപത്ത് വച്ചാണ് രണ്ട് പേരെ പിടികൂടിയത്. ഇവരിൽ നിന്നും കണക്കിൽപ്പെടാത്ത രണ്ട് കോടിയോളം രൂപ പിടിച്ചെടുത്തു.
തമിഴ്നാട് സ്വദേശിയായ രാജഗോപാൽ, ബീഹാർ സ്വദേശിയായ സതീഷ് എന്നിവരെയാണ് പോലീസ് പിടികൂടിയത്.
ഓട്ടോയിൽ രണ്ട് തുണി സഞ്ചികളിലായിട്ടായിരുന്നു പണം കടത്തിയത്. രഹസ്യ വിവരത്തിൻറെ അടിസ്ഥാനത്തിൽ പൊലീസ് നടത്തിയ പരിശോധനയിലാണ് ഇവരെ പിടികൂടിയത്. സംഭവത്തെക്കുറിച്ചുള്ള കൂടുതൽ അന്വേഷണങ്ങൾ നടന്നുവരികയാണ്.