പാലക്കാട് ഒറ്റപ്പാലത്ത് വൻ ചന്ദനവേട്ട. 2000 കിലോ ചന്ദന ശേഖരമാണ് പൊലീസും വനം വകുപ്പ് ചേർന്ന് പിടികൂടിയത്. വാണിയംകുളത്ത് ആക്രിക്കടയിൽ ഒളിപ്പിച്ച നിലയിലായിരുന്നു ചന്ദനം. സംഭവത്തിൽ ഒരാൾ അറസ്റ്റിലായി. രഹസ്യവിവരത്തിന്റെ അടിസ്ഥാനത്തിൽ ആക്രിക്കടയിൽ നടത്തിയ പരിശോധനയിൽ 50 പെട്ടികളിലും ചാക്കുകളിലും ചന്ദനം ഒളിപ്പിച്ച് വച്ചത് കണ്ടെത്തിയത്. പിടിയിലായ ആളുടെ പേര് വിവരങ്ങൾ പൊലീസ് ഇതുവരെ വെളിപ്പെടുത്തിയിട്ടില്ല. ചന്ദനക്കടത്തിന് പിന്നിൽ വൻ സംഘം പ്രവർത്തിക്കുന്നുണ്ടെന്നാണ് വനംവകുപ്പിന് വിവരം ലഭിച്ചു. സംഭവത്തിൽ വനം വകുപ്പ് അന്വേഷണം ആരംഭിച്ചിരിക്കുകയാണ്.
English Summary:Big sandalwood hunt in Ottapalam; 2000 kg of sandalwood was kept tied in sacks, one person was arrested
You may also like this video
