ബിജെപിയുടെ ശക്തികേന്ദ്രമെന്നു അവര് അവകാശപ്പെടുന്ന നേമം മണ്ഡലത്തില് സ്ഥാനാര്ത്ഥിയെ ചൊല്ലി അടിതുടങ്ങി. നഗരസഭ തെരഞ്ഞെടുപ്പിനുള്ള സ്ഥാനാര്ത്ഥി പട്ടിക പുറത്തിറങ്ങുന്നതിനു മുമ്പേ യാണ് സ്ഥാനാര്ത്ഥിയെ ചൊല്ലി അടി തുടങ്ങിയത്. ഒടുവില് നേമം മേഖല പ്രസിഡന്റ് എം ജയകുമാര് രാജിവെച്ചു.കഴിഞ്ഞ 43 വര്ഷമായി സംഘടനാ പ്രവര്ത്തനം നടത്തുന്ന തനിക്ക് പാര്ട്ടിയില് നിന്നു നീതി ലഭിച്ചില്ലെന്നു ചൂണ്ടിക്കാട്ടിയാണ് രാജി.
ബിജെപി ജില്ലാ പ്രസിഡന്റ് കരമന ജയനും നേമം മണ്ഡലം പ്രസിഡന്റ് കരുമം രാജേഷിനുംജയകുമാര് രാജിക്കത്ത് നല്കി. കഴിഞ്ഞതവണ പൊന്നുമംഗലം വാര്ഡില് നിന്നു വിജയിച്ച എം ആര് ഗോപനാണ് നേമത്ത് സ്ഥാനാര്ഥിയാകുക എന്ന സൂചനയാണ് രാജിക്ക് കാരണമെന്ന് റിപ്പോര്ട്ടുണ്ട്. നേമം വാര്ഡില് മത്സരിക്കാന് ആ വാര്ഡിലുള്ള ഒരാളെത്തന്നെ പരിഗണിക്കണമെന്ന പാര്ട്ടി പ്രവര്ത്തകരുടെ ആവശ്യം നേതൃത്വം പരിഗണിച്ചില്ലെന്നും രാജിക്കത്തില് ചൂണ്ടിക്കാട്ടുന്നു.മുമ്പ് നേമം വാര്ഡിനെ പ്രതിനിധീകരിച്ചിട്ടുള്ള എം ആര് ഗോപന് അവസാനഘട്ടങ്ങളില് വാര്ഡിനെ കൈയൊഴിഞ്ഞെന്നും, നിലവിലെ ബിജെപി കൗണ്സിലറെ പരാജയപ്പെടുത്താന് ശ്രമിച്ചെന്നും കത്തില് ആരോപണം ഉന്നയിക്കുന്നു.
നേമം മേഖലയിലെ അഞ്ചുവാര്ഡുകളും. കഴിഞ്ഞതവണ എല്ലായിടത്തും ബിജെപിയാണ് വിജയിച്ചത്. പൊന്നുമംഗലം ഇത്തവണ സ്ത്രീ സംവരണമാണ്ബിജെപി ജില്ലാ നേതൃത്വവും ആര്എസ്എസും നേമത്ത് ഗോപനെ പിന്തുണയ്ക്കുന്നതായി റിപ്പോര്ട്ടുകളുണ്ട്.