നേതാവിനെ എംപിയാക്കിയതിന്റെ ഉപകാരസ്മരണയ്ക്കായി വോട്ടര്‍മാര്‍ക്ക് മദ്യംവിളമ്പി അണികള്‍. ബിജെപി നേതാവും മുന്‍ മന്ത്രിയുമായ കെ സുധാകറിനെ കര്‍ണാടക എംപിയായി വിജയിപ്പിച്ചതിന്റെ നന്ദി സൂചകമായാണ് അണികള്‍ വോട്ട് ചെയ്തവര്‍ക്ക് പരസ്യമായി മദ്യവിതരണം നടത്തിയത്. ബംഗളൂരുവിലെ നിലമംഗലയിൽവച്ചായിരുന്നു വിജയാഘോഷം.
മദ്യം വാങ്ങാനായി നില്‍ക്കുന്നവരുടെ നീണ്ട നിരയും സുരക്ഷയൊരുക്കുന്ന പൊലീസുകാരുടെ ദൃശ്യങ്ങളും സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ട്രക്കുകളിൽകൊണ്ടുവന്ന മദ്യക്കുപ്പികൾ ശേഖരിക്കാൻ സ്ഥലത്ത് ആളുകളുടെ നീണ്ട ക്യൂവാണുണ്ടായിരുന്നത്.
എന്നാൽ താൻ അറിയാതെയാണ് അണികള്‍ മദ്യം വിളമ്പിയതെന്നാണ് സുധാകറിന്റെ പ്രതികരണം. സംഭവത്തിൽ ബിജെപിയ്ക്കെതിരെ രൂക്ഷ വിമർശനമാണ് ഉയരുന്നത്.
ലോക്‌സഭാ തെരഞ്ഞെടുപ്പിൽ ചിക്കബല്ലാപ്പൂർ മണ്ഡലത്തിൽ നിന്ന് ഒന്നരലക്ഷത്തിലധികം വോട്ടിന്റെ ഭൂരിപക്ഷത്തിലാണ് കെ സുധാകർ കോൺഗ്രസ് സ്ഥാനാർത്ഥി എം എസ് രക്ഷാ രാമയ്യയെ പരാജയപ്പെടുത്തിയത്.
English Summary: BJP served alcohol to voters as a token of appreciation for making the leader an MP
You may also like this vdeo
