ആര്എസ്എസ് നേതൃത്വത്തിനെതിരെ ആരോപണവുമായി നെടുമങ്ങാട്ട് ആത്മഹത്യയ്ക്കു ശ്രമിച്ച ബിജെപി വനിതാ നേതാവ്. സംഘത്തിന്റെ പ്രാദേശിക നേതാക്കള് തന്നെ വ്യക്തിഹത്യനടത്തിയെന്ന് ശാലിനി ആരോപിച്ചു. തന്നെ മത്സരിപ്പിക്കരുതെന്ന് ബിജെപി നേതാക്കളില് സമ്മര്ദം ചെലുത്തി. തനിക്ക് പുറത്തിറങ്ങാന് കഴിയാത്ത സാഹചര്യമുണ്ടാക്കിയതില് മനംനൊന്താണ് ആത്മഹത്യക്കുശ്രമിച്ചതെന്നും അവര് പറയുന്നു.
സ്ഥാനാര്ഥിത്വം ഏകദേശം തീരുമാനമായതായിരുന്നു. സംഘത്തിന്റെ പ്രാദേശിക നേതാക്കള് എന്നോടും കുടുംബത്തോടും വ്യക്തിവൈരാഗ്യം തീര്ക്കുന്നതിനായി എന്നെപ്പറ്റി മോശമായി സംസാരിച്ചു. നിര്ത്താന് പാടില്ലെന്ന് പാര്ട്ടിയെ സമ്മര്ദം ചെലുത്തി. വ്യക്തിപരമായി അധിക്ഷേപിക്കുന്ന രീതിയില് പല പ്രചാരണങ്ങളും നടത്തി. എനിക്ക് പുറത്തിറങ്ങാന് കഴിയാത്ത സാഹചര്യമുണ്ടാക്കിയതിന്റെ മനോവിഷമത്തിലാണ് ആത്മഹത്യക്ക് ശ്രമിച്ചത് ശാലിനി പറയുന്നു.ഒരു തരത്തിലും പിടിച്ചുനില്ക്കാന് പറ്റാതായതോടെയാണ് ആത്മഹത്യയ്ക്കു ശ്രമിച്ചത്.നെടുമങ്ങാട് പനയ്ക്കോട്ടല വാര്ഡില് സ്ഥാനാര്ഥിത്വത്തില്നിന്ന് ഒഴിവാക്കിയെന്ന് ആരോപിച്ചാണ് ഞായറാഴ്ച പുലര്ച്ചെ രണ്ടുമണിയോടെ ശാലിനി കൈഞരമ്പ് മുറിച്ച് ആത്മഹത്യയ്ക്കു ശ്രമിച്ചത്.