സിപിഐ(എം) ജില്ലാ കമ്മിറ്റി ഓഫീസും ജില്ലാ സെക്രട്ടറിയുടെ വസതിയും ആക്രമിച്ച് തിരുവനന്തപുരത്ത് കലാപാന്തരീക്ഷം സൃഷ്ടിക്കാനാണ് ബിജെപിയും ആർഎസ്എസും ശ്രമിക്കുന്നതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. വഞ്ചിയൂരിൽ എൽഡിഎഫ് വികസന ജാഥയ്ക്കിടയിൽ വനിതാ കൗൺസിലറെ കടന്നുപിടിക്കാൻ ശ്രമിച്ചതോടെയാണ് സംഭവങ്ങൾക്ക് തുടക്കമായത്. പാർട്ടി ഓഫീസുകൾ ആരുടേതായാലും അക്രമിക്കുന്നതിനെ സിപിഐ അനുകൂലിക്കുന്നില്ല. പാർട്ടി ഓഫീസ് ആക്രമിച്ചും ജില്ലാ സെക്രട്ടറിയുടെ വീടിന് നേരെ ആക്രമണം നടത്തിയും തലസ്ഥാനത്ത് നിലനിൽക്കുന്ന സമാധാനാന്തരീക്ഷം തകർക്കാനുള്ള ഗൂഢനീക്കത്തിനെതിരെ ശക്തമായ പൊതുജനവികാരം ഉയർന്നുവരണമെന്ന് കാനം പ്രസ്താവനയിൽ അഭ്യർത്ഥിച്ചു.
English Summary: BJP’s attempt to destroy peaceful atmosphere: Kanam Rajendran
You may like this video also
