തൃശ്ശൂർ കേച്ചേരി-അക്കിക്കാവ് ബൈപ്പാസിൽ ലോറിയും കെഎസ്ആർടിസി ബസും കൂട്ടിയിടിച്ചുണ്ടായ അപകടത്തിൽ 14 പേർക്ക് പരിക്ക്. കെഎസ്ആർടിസി ഡ്രൈവറുടെ നില ഗുരുതരമാണെന്നാണ് വിവരം. ഇന്ന് പുലർച്ചെ 1.30നാണ് അപകടം ഉണ്ടായത്. കോഴിക്കോട് നിന്ന് കുമളിയിലേക്ക് വരികയായിരുന്ന കെഎസ്ആർടിസി ബസും, കുന്നംകുളത്ത് നിന്ന് ആലത്തൂർ ഭാഗക്കേത്ത് വരികയായിരുന്ന ലോറിയും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തിൽ ബസിൻറെയും ലോറിയുടെയും മുൻവശം പൂർണമായും തകർന്നു. അപകടത്തിൽ പരിക്കേറ്റവരെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.
തൃശ്ശൂരിൽ ബസും ലോറിയും കൂട്ടിയിടിച്ച് അപകടം; 14 പേർക്ക് പരിക്ക്
