ശബരിമല തീര്‍ത്ഥാടകര്‍ സഞ്ചരിച്ചിരുന്ന ബസ് കൊക്കയിലേക്ക് മറിഞ്ഞു. നിലയ്ക്കലിന് സമീപം ഇലവുങ്കലാണ് അപകടമുണ്ടായത്. എരുമേലി-ഇലവുങ്കല്‍ റോഡില്‍ വെച്ച് ബസ് കൊക്കയിലേക്ക് മറിയുകയായിരുന്നു. ബസില്‍ 64 പേരാണ് ഉണ്ടായിരുന്നത്. ഇവരില്‍ ഏഴു കുട്ടികളും ഉള്‍പ്പെടുന്നു. ആളപായം ഉണ്ടായതായി റിപ്പോര്‍ട്ടില്ല. അതേസമയം ഡ്രൈവരുടെ സ്ഥിതി ഗുരുതരമാണ്. ഡ്രൈവറെ കോട്ടയം മെഡിക്കല്‍ കോളജിലേക്ക് മാറ്റിയിരിക്കുകയാണ്. ശബരിമല തീര്‍ത്ഥാടനം കഴിഞ്ഞ് മടങ്ങുകയായിരുന്ന തഞ്ചാവൂരില്‍ നിന്ന് വന്ന അയ്യപ്പസംഘമാണ് ബസിലുണ്ടായിരുന്നത്. പരിക്കേറ്റവരെ എല്ലാം ബസിന് പുറത്തെടുത്തു. ഇവരെ ആശുപത്രിയിലേക്ക് മാറ്റി. പൊലീസും നാട്ടുകാരും രക്ഷാപ്രവര്‍ത്തനം തുടരുകയാണ്.
English Summary;Bus carrying Sabarimala pilgrims overturned into Koka; The condition of the driver is critical
You may also like this video
