സംസ്ഥാനത്ത് ജൂൺ ഏഴ് മുതൽ സ്വകാര്യ ബസുകൾ അനിശ്ചിതകാല സമരം ആരംഭിക്കുമെന്ന് ബസ് ഓണേഴ്സ് സംയുക്ത സമിതി പ്രഖ്യാപിച്ചു. കൊച്ചിയില്‍ നടന്ന യോഗത്തിലാണ് സമരം തീരുമാനിച്ചത്. 12 ബസ് ഉടമസ്ഥ സംഘടനകളുടെ കൂട്ടായ്മയാണ് ബസ് ഓണേഴ്സ് സംയുക്ത സമരസമിതി.
വിദ്യാർത്ഥികളുടെ കൺസെഷൻ നിരക്ക് വർധിപ്പിക്കണമെന്നാണ് ഉടമകളുടെ പ്രധാന ആവശ്യം. വിദ്യാർത്ഥികളുടെ ബസ് ചാർജ് മിനിമം അഞ്ച് രൂപയാക്കി ഉയർത്തണമെന്ന ജസ്റ്റിസ് രാമചന്ദ്രൻ കമ്മിഷൻ റിപ്പോർട്ട് അംഗീകരിക്കണമെന്ന് സമിതി ആവശ്യപ്പെട്ടു. വിദ്യാർത്ഥികളുടെ കൺസെഷൻ യാത്രയ്ക് പ്രായപരിധി ഏർപ്പെടുത്തണമെന്നും ബസുടമകൾ നിര്‍ദ്ദേശിക്കുന്നുണ്ട്.
English Sammury: Private Bus Operators Association to strike
