കേന്ദ്ര അവഗണന കോൺഗ്രസിന് നിസാരം: കെ കെ ശൈലജ

കേരളത്തോടുള്ള കേന്ദ്ര സർക്കാരിന്റെ അവഗണന അതിന്റെ പാരമ്യത്തിൽ എത്തിയത് കഴിഞ്ഞ പത്തുവർഷമാണെന്നും അതിനെ ചോദ്യം ചെയ്യാതെ ഖജനാവിൽ പൂച്ച പെറ്റുകിടക്കുന്നു എന്ന തരത്തിൽ കളിയാക്കുകയാണ് വി ഡി സതീശൻ അടക്കമുള്ള നേതാക്കൾ ശ്രമിച്ചതെന്നും മധ്യമേഖല ജാഥ അംഗം കെ കെ ശൈലജ.എന്നാൽ ഇതിനെ മറികടന്ന് സർക്കാർ ആനുകൂല്യങ്ങൾ നൽകിയതോടെ അമിതമായി കടം വാങ്ങുന്നുവെന്നായി ആരോപണം .എന്നാൽ ഓരോ അഞ്ചുവർഷത്തിലും സഞ്ചിത കടം അഞ്ചിരട്ടിയാവുന്ന രീതി മാറിക്കഴിഞ്ഞതായി ശൈലജ പറഞ്ഞു. വരുമാന ചിലവിന്റെ 34 ശതമാനം സാമൂഹിക സേവനങ്ങൾക്ക് മാറ്റിവെച്ച സർക്കാരാണ് ഇവിടെയുള്ളത്. ഇതിൽ 62 ശതമാനം വിദ്യാഭ്യാസത്തിനും ആരോഗ്യത്തിനുമാണ് .കേന്ദ്ര സർക്കാർ കൈവിട്ട തൊഴിലുറപ്പു പദ്ധതിയെ സംസ്ഥാന സർക്കാർ ഏറെയെടുക്കുകയും ആയിരം കോടി വകയിരുത്തുകയും ചെയ്തതായും ശൈലജ ചൂണ്ടിക്കാട്ടി.