സംസ്ഥാനത്തെ പൊതുവിദ്യാലയങ്ങളിലെ ഒമ്പത് വരെയുള്ള ക്ലാസുകളിലെ വാർഷിക പരീക്ഷ നാളെ ആരംഭിക്കും. ഉച്ചയ്ക്ക് 1.30 മുതലാണ് പരീക്ഷ. 30 ന് അവസാനിക്കും. അപ്രതീക്ഷിത അവധിയെ തുടർന്ന്‌ മാറ്റിവയ്‌ക്കേണ്ട സാഹചര്യമുണ്ടെങ്കിൽ അത്‌ 31ന് നടത്തും. നേരത്തെ പ്രസിദ്ധീകരിച്ച ടൈംടേബിളില്‍ ചെറിയ മാറ്റങ്ങൾ വരുത്തിയിട്ടുണ്ട്. ഒരേ ബെഞ്ചിൽ കൂടുതൽ കുട്ടികൾ ഇരുന്ന്‌ പരീക്ഷ എഴുതേണ്ട സാഹചര്യം ഒഴിവാക്കാനാണിത്‌.
എട്ട്‌, ഒമ്പത് ക്ലാസുകളിലെ പരീക്ഷകളുടെ ദിവസങ്ങളും പരസ്‌പരം മാറ്റിയിട്ടുണ്ട്‌. എസ്‌എസ്‌എൽസി പരീക്ഷയ്‌ക്ക്‌ സ്ക്രൈബ്‌ ആവശ്യമാണെങ്കിൽ ഒമ്പതാം ക്ലാസ്‌ വിദ്യാർത്ഥികളെയാണ്‌ നിയോഗിക്കുന്നത്‌. അങ്ങനെ വരുമ്പോൾ സ്ക്രൈബുകളാകുന്ന കുട്ടികൾക്ക്‌ രാവിലെ മുതൽ വൈകിട്ട്‌ വരെ പരീക്ഷ എഴുതുന്ന സാഹചര്യം ഒഴിവാക്കാനാണ്‌ ഒമ്പതിലെ പരീക്ഷ എസ്‌എസ്‌എൽസി നടക്കുന്ന ദിവസങ്ങളിൽ ഒഴിവാക്കി പുനഃക്രമീകരിച്ചത്‌. വെള്ളിയാഴ്‌ചകളിൽ പരീക്ഷ 2.30 മുതൽ 4.45 വരെയായിരിക്കും. അന്ന്‌ കൂൾ ഓഫ്‌ ടൈം 2.15 മുതൽ 2.30 വരെയാണ്.
English Summary;Change in Annual Examination Timetable
You may also like this video
