എം എൻ സ്മാരക നവീകരണ ഫണ്ടിലേക്ക് സിപിഐ മുൻ സംസ്ഥാന സെക്രട്ടറി സഖാവ് സി കെ ചന്ദ്രപ്പന്റെ സഹോദരിയുടെ ഉദാര സംഭാവന. വടക്കേക്കര എൽ സി യുടെ കീഴിൽ വരുന്ന വാവക്കാട് കിഴക്കേ ബ്രാഞ്ചിലാണ് സി കെ യുടെ സഹോദരി ലക്ഷ്മിക്കുട്ടി താമസം. സി കെ ചന്ദ്രപ്പൻ കൊച്ചിയിലെത്തുമ്പോഴെല്ലാം സഹോദരിയെ കാണാൻ വാവക്കാട് എത്തുമായിരുന്നു. വരുമ്പോഴെല്ലാം കാണാനെത്തുന്ന പ്രവർത്തരെ നിറപുഞ്ചിരിയോടെ സ്വീകരിച്ച് കുശലം പറയുക സഖാവിന് ആനന്ദകരമായമായ അനുഭവമായിരുന്നെന്ന് സഹോദരി പറയുന്നു.
സി കെ യെ കാണാനെത്തുന്നവർക്ക് ലക്ഷ്മി ചേച്ചിയുടെ സ്നേഹത്തിൽ ചാലിച്ച ഒരു ചായ ഉറപ്പായിരുന്നു. എം എൻ സ്മാരക ഫണ്ട് കൈമാറുന്നതോടൊപ്പം ഈ ഓർമ്മകളും അവർ സഖാക്കളോട് പങ്കിട്ടു. സിപിഐ മണ്ഡലം സെക്രട്ടറി കെ പി വിശ്വനാഥൻ, എൽ സി അംഗം ഷിജു പള്ളത്ത്, എഐവൈഎഫ് ഭാവാഹിയും, എഴുത്തുകാരിയുമായ സുവിത ടീച്ചർ, രാജീവ് മണ്ണാളിൽ എന്നിവർ ചേർന്നാണ് ഫണ്ടു സ്വരൂപണം നടത്തിയത്.
English Summary: CK Chandrapan’s sister also donated to the MN memorial fund
You may also like this video
