ഇന്ന് മേഘാലയയിലെ ഈസ്റ്റ് ഖാസി ഹില്സ് ജില്ലയില് മൗക്കിന്റ്യൂ ഗ്രാമത്തില് പൊലീസും ഗ്രാമവാസികളും തമ്മില് ഏറ്റുമുട്ടല് ഉണ്ടായതിനെത്തുടര്ന്ന് 11 പേര്ക്ക് പരിക്കേറ്റു. സംഘര്ഷത്തെത്തുടര്ന്ന് മേഘാലയില് കര്ഫ്യൂ പ്രഖ്യാപിച്ചതായി അധികൃതര് അറിയിച്ചു.
രാമകൃഷ്ണ മിഷന്റെ ഉടമസ്ഥതയിലുള്ള ഒരു സ്കൂളില് നിര്മാണം നടക്കുന്ന സ്ഥലത്ത് എത്തിയ ഗ്രാമവാസികള് ആ പ്രദേശം സ്പോര്ട്സ് ക്ലബിന്റേതാണെന്ന് ആരോപിച്ചാണ് സംഘര്ഷം ആരംഭിച്ചത്. സംഘര്ഷത്തില് 2 സ്ത്രീകള് ഉള്പ്പെടെ 5 പൊലീസുകാര്ക്ക് പരിക്കേറ്റതായി ഈസ്റ്റ് ഖാസി ഹില്സ് എസ്പി വിവേക് സയ്യിം പറഞ്ഞു.
നാട്ടുകാരെ മാറ്റാനായി പൊലീസിന് കണ്ണീര് വാതകം പ്രയോഗിക്കേണ്ടി വന്നതായും അദ്ദേഹം പറഞ്ഞു.