ജമ്മു കശ്മീരിൽ വീണ്ടും മേഘവിസ്ഫോടനം. 11 പേർ മരിക്കുകയും നിരവധി പേരെ കാണാതാകുകയും ചെയ്തതായി റിപ്പോർട്ട്. കാണാതായവർക്കായി തെരച്ചിൽ പുരോഗമിക്കുകയാണ്. അഞ്ച് കുട്ടികളടക്കം ഒരു കുടുംബത്തിലെ 7 പേർ കൊല്ലപ്പെട്ടു. നിരവധി വീടുകൾ ഒലിച്ചുപോകുകയും വിവിധ കെട്ടിടങ്ങൾക്ക് കേടുപാടുകൾ സംഭവിക്കുകയും ചെയ്തിട്ടുണ്ട്.
ദിവസങ്ങളായി ജമ്മു കശ്മീരിൽ ശക്തമായ മഴ തുടരുകയാണ്. മഴയിൽ ഹിമാചലിലെ പാലങ്ങളും റോഡുകളും തകർന്നു. ശക്തമായ മഴയിൽ ഗംഗാനദി കരകവിഞ്ഞൊഴുകുകയാണ്. ഗംഗാതീരങ്ങളിൽ താമസിക്കുന്ന ആളുകളെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചിട്ടുണ്ട്.