ഉത്തർപ്രദേശ് മുഖ്യമന്ത്രി ആദിത്യനാഥിന്റെ സെക്യൂരിറ്റി ഉദ്യോഗസ്ഥന്‍ സര്‍വീസ് റിവോള്‍വറില്‍ നിന്ന് അബദ്ധത്തില്‍ പൊട്ടി മരിച്ചു. തലയിലാണ് വെടിയേറ്റെന്നാണ് പൊലീസ് പറയുന്നത്. ഡെപ്യൂട്ടേഷനിൽ നിയമിതനായ സന്ദീപ് യാദവ് ഇന്നായിരുന്നു മുഖ്യമന്ത്രിയുടെ സുരക്ഷാ ജീവനക്കാരനായി ജോലിയിൽ പ്രവേശിക്കേണ്ടിയിരുന്നത്.
വീട്ടില്‍ വച്ച് സന്ദീപ് സര്‍വീസ് റിവോൾവർ വൃത്തിയാക്കുന്നതിനിടെ വെള്ളിയാഴ്ചയായിരുന്നു സംഭവമെന്ന് അഡീഷണൽ പൊലീസ് സൂപ്രണ്ട് അശുതോഷ് മിശ്ര പറഞ്ഞു. തലയ്ക്ക് വെടിയേറ്റ് തൽക്ഷണം മരിച്ചു. മൃതദേഹം പോസ്റ്റുമോർട്ടത്തിനയച്ചതായും സംഭവത്തിൽ മസൗലി പൊലീസ് കേസെടുത്ത് അന്വേഷണം ആരംഭിച്ചതായും മിശ്ര പറഞ്ഞു.
English Sammury: UP CM Adityanath’s Security staff shot dead
