പത്തനംതിട്ട കവിയൂരില് സ്വന്തം സ്ഥാനാര്ത്ഥിയെ ചതിച്ച് വീഴ്ത്തി കോണ്ഗ്രസ് .നാമനിര്ദ്ദേശപത്രികയില് തെറ്റായ വിവരങ്ങല് നേതാക്കള് എഴുതിച്ചേര്ത്തതു മൂലമാണ് യുഡിഎഫ് സ്ഥാനാര്ത്ഥിക്ക് പത്രിക നല്കാനായില്ല. ഇതോടെ കവിയൂർ പഞ്ചായത്തിലെ 12-ാം വാർഡിൽ യുഡിഎഫിന് സ്ഥാനാർഥി ഇല്ലാതായി.
12-ാം വാർഡിൽ രാജ്കുമാറിനെയാണ് യുഡിഎഫ് സ്ഥാനാർഥിയായി പ്രഖ്യാപിച്ചത്. പോസ്റ്ററുകൾ ഉൾപ്പെടെ അടിച്ച് രാജ്കുമാർ പ്രചാരണം ആരംഭിച്ചിരുന്നു. എന്നാൽ രാജ്കുമാറിന്റെ നാമനിർദേശപത്രികയിൽ നേതാക്കൾ ബോധപൂർവം തെറ്റായവിവരങ്ങൾ പൂരിപ്പിച്ച് നൽകുകയായിരുന്നു. ബിജെപിയെ സഹായിക്കാനായി സ്വന്തം സ്ഥാനാർഥിയെ യുഡിഎഫ് വഞ്ചിച്ചുവെന്ന ആരോപണം ശക്തമാണ്.