കോവിഡ് മുന്നണിപ്പോരാളികള്‍ക്ക് കൊച്ചി മെട്രോയില്‍ പകുതിനിരക്കില്‍ യാത്ര സാധ്യമാക്കുന്ന ട്രിപ്പ് പാസ് ഏര്‍പ്പെടുത്തി. ശനിയാഴ്ച മുതല്‍ ട്രിപ്പ് പാസ്സ് ഉപയോഗിച്ച് യാത്ര ചെയ്യാമെന്ന് കെ എം ആര്‍ എല്‍ അറിയിച്ചു.
കോവിഡ് മഹാമാരിക്കാലത്ത് സമൂഹത്തിന് നല്‍കിയ സേവനത്തെ മാനിച്ചാണ് തീരുമാനം. ഡോക്ടര്‍മാര്‍, നഴ്സ്, ഫാര്‍മസിസ്റ്റ്, ആശാ പ്രവര്‍ത്തകര്‍, ആംബുലന്‍സ് ഡ്രൈവര്‍മാര്‍, ആതുര ശുശ്രൂഷാ സേവന രംഗത്ത് പ്രവര്‍ത്തിക്കുന്നവര്‍, ശുചീകരണതൊഴിലാളികള്‍, പൊലീസ് തുടങ്ങിയ കോവിഡ് മുന്നണിപ്പോരാളികള്‍ക്ക് ഈ ആനുകൂല്യം പ്രയോജനപ്പെടുത്താന്‍ ട്രിപ്പ് പാസ്സും തിരിച്ചറിയല്‍ കാര്‍ഡും കാണിച്ചാല്‍ മതി.
English summary; Covid frontline fighters can travel on the Kochi Metro at half price
You may also like this video;
