ചൈനയില്‍ വീണ്ടും കോവിഡ് വ്യാപനം. ജെഎന്‍.1 വകഭേദം വ്യാപിക്കുന്നതായി ചൈനീസ് സെന്റര്‍ ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ (ചൈന സിഡിസി)റിപ്പോര്‍ട്ട് ചെയ്തു. ഫെബ്രുവരി മാസം ജെഎന്‍.1 ബാധിച്ച് 358 പേര്‍ ഗുരുതരാവസ്ഥയില്‍ ചികിത്സ തേടിയെന്നും 22 പേര്‍ മരിച്ചെന്നും റിപ്പോര്‍ട്ടില്‍ പറയുന്നു. 6653 കോവിഡ് കേസുകളാണ് ഈ കാലയളവില്‍ രജിസ്റ്റര്‍ ചെയ്തത്. ജെഎന്‍.1ന്റെ സാന്നിധ്യം വളരെ കൂടുതലായിരുന്നുവെന്നും റിപ്പോര്‍ട്ടില്‍ പറയുന്നു. എക്സ്ബിബിയും അതിന്റെ ഉപവകഭേദങ്ങളും ബാധിക്കുന്നവരുടെ എണ്ണത്തില്‍ കുറവുണ്ടായപ്പോള്‍ ജെഎന്‍.1, അതിന്റെ ഉപവകഭേദങ്ങള്‍ എന്നിവ പിടിപെടുന്നവരുടെ എണ്ണത്തില്‍ ക്രമാതീതമായ വര്‍ധനയാണുണ്ടായതെന്ന് ഗ്ലോബല്‍ ടൈംസ് റിപ്പോര്‍ട്ട് ചെയ്തു.
English Summary:Covid scare again in China: JN.1 is spreading
You may also like this video
