രാജ്യത്ത് കുട്ടികളില് കോവിഡ് വാക്സിനേഷന് വേഗത്തിലാക്കണം എന്ന് എയിംസ് മേധാവി. എട്ട് മുതല് 12 വയസ് വരെ പ്രായമുള്ള കുട്ടികള്ക്ക് കോവിഡ് വാക്സിനേഷന് നടപടികളുടെ വേഗം കൂട്ടണം എന്നാണ് എയിംസ് ഡയറക്ടര് ഡോ രണ്ദീപ് ഗുലേറിയ പറയുന്നത്.
കുട്ടികളിലെ പ്രതിരോധശേഷി മുതിര്ന്നവരുടേതില് നിന്ന് വ്യത്യസ്തമാണ്. അതുകൊണ്ടുതന്നെ കോവിഡ് വാക്സിന്റെ ലഭ്യത അനുസരിച്ച് കുട്ടികള്ക്ക് വാക്സിന് വിതരണം ചെയ്യുന്ന നടപടികള് വേഗത്തിലാക്കണം. കോവിഡ് വാക്സിനേഷനില് അസുഖങ്ങളുള്ള കുട്ടികള്ക്ക് കൂടുതല് പരിഗണന നല്കണം.
കോവിഡ് മഹാമാരിയെ പ്രതിരോധിക്കാന് നമ്മള് ചെയ്യേണ്ട അടുത്ത മാര്ഗം അതാണെന്നും രണ്ദീപ് ഗുലേറിയ പറഞ്ഞു. കോവിഡിനെതിരായ പോരാട്ടം ഇതുവരെ അവസാനിച്ചിട്ടില്ലെന്നും എയിംസ് മേധാവി ചൂണ്ടിക്കാണിച്ചു. ഭാരത് ബയോടെക്കിന്റെ കോവാക്സിന് ലോകാരോഗ്യ സംഘടനയുടെ അംഗീകാരം ഉടന് ലഭിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.
English Summary : covid vaccination in children needs to be fast says aims chief