കുഴി മാത്രമല്ല പ്രശ്നം, പൈപ്പ് പൊട്ടലും വ്യാപകം; ആലുവയില്‍ അസിസ്റ്റന്റ് എക്സിക്യൂട്ടീവ് എഞ്ചിനിയറെ ഉപരോധിച്ച് സിപിഐ

വാട്ടർ അതോറിറ്റി അസിസ്റ്റന്റ് എക്സിക്യൂട്ടീവ് എഞ്ചിനിയറെ സിപിഐയുടെ നേതൃത്വത്തിൽ ഉപരോധിച്ചു. ആലുവ മുനിസിപ്പാലിറ്റി മൂന്നാം വാർഡിലെ കോൺവെന്റ് റോഡ് സെക്കന്റിലും ജിസിഡിഎ റോഡിലും പൈപ്പ്ലൈൻ പൊട്ടിക്കിടക്കുന്നത് പലതവണ അധികാരികളുടെ ശ്രദ്ധയിൽപ്പെടുത്തിയെങ്കിലും നടപടി ഉണ്ടായില്ലെന്ന് വാർഡ് കൗൺസിലർ പറഞ്ഞു. സ്കൂളിന് ചേർന്നുള്ള വഴി ആയതിനാൽ വിദ്യാർത്ഥികൾക്കടക്കം ബുദ്ധിമുട്ട് നേരിടേണ്ടി വരുന്നുണ്ട്. പൈപ്പ് പൊട്ടിയത് റോഡ് തകരുന്നതിനും കാരണമാണ്.

പൈപ്പ് ലൈൻ ഉടനടി ശരിയാക്കുമെന്ന് വാട്ടർ അതോറിറ്റി അസിസ്റ്റന്റ് എക്സിക്യൂട്ടീവ് എഞ്ചിനിയർ സിപിഐ നേതാക്കൾക്ക് ഉറപ്പ് നൽകി.
ഉപരോധത്തിന് സിപിഐ മണ്ഡലം സെക്രട്ടറി അസ്‌ലഫ് പാറേക്കാടൻ, മുനിസിപ്പാലിറ്റി കൗൺസിലർ വി എൻ സുനീഷ്, എഐഎസ്എഫ് ജില്ലാ സെക്രട്ടറി എ എ സഹദ്, എഐടിയുസി മണ്ഡലം സെക്രട്ടറി കെ.കെ.സത്താർ, ജോബി മാത്യു, ഹിജാസ്, ഷെരീഫ്, നിജോ ജോളി എന്നിവർ നേതൃത്വം നൽകി.

Eng­lish Summary:CPI block­ades Assis­tant Exec­u­tive Engi­neer in Aluva
You may also like this video