സിപിഐ ദേശീയ കൗണ്‍സില്‍ ആഹ്വാനം ചെയ്ത പ്രക്ഷോഭത്തിന്റെ ഭാഗമായുള്ള പ്രചരണജാഥകള്‍ തുടരുന്നു. ബിജെപിയെ പുറത്താക്കൂ, രാജ്യത്തെ രക്ഷിക്കൂ എന്ന മുദ്രാവാക്യം ഉയര്‍ത്തി ഓരോ ദിവസവും നൂറുകണക്കിന് ജാഥകളാണ് പര്യടനം നടത്തുന്നത്. കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കും ബിജെപിയുടെ വിഭജന, വര്‍ഗീയ, വിദ്വേഷ സമീപനങ്ങള്‍ക്കുമെതിരെയുള്ള ജാഥകളില്‍ എല്‍ഡിഎഫ് സര്‍ക്കാരിന്റെ ജനക്ഷേമ പദ്ധതികളും വിശദീകരിക്കുന്നു. ഇടവിടാതെ പെയ്യുന്ന മഴയിലും ആവേശം ചോരാതെ നൂറുകണക്കിന് ആളുകളാണ് ജാഥയില്‍ അണിനിരക്കുന്നത്.