സിപിഐ 24-ാം പാർട്ടി കോൺഗ്രസ് തീരുമാനങ്ങളുടെ റിപ്പോര്‍ട്ടിങ്ങിനായി കോട്ടയത്ത് മേഖലാ യോഗം ചേർന്നു. സംസ്ഥാനത്ത് അഞ്ച് മേഖലാ യോഗങ്ങൾ നടത്താനുള്ള പാർട്ടി സംസ്ഥാന കൗൺസിൽ തീരുമാനത്തിന്റെ ഭാഗമായാണ് കോട്ടയത്തു് യോഗം ചേർന്നത്. പാർട്ടി സംസ്ഥാന സെക്രട്ടറി കാനം രാജേന്ദ്രൻ യോഗം ഉദ്ഘാടനം ചെയ്തു.
കോട്ടയം, ആലപ്പുഴ, പത്തനംതിട്ട, ഇടുക്കി ജില്ലകളിൽ നിന്നുള്ള പാർട്ടി സംസ്ഥാന‑ജില്ലാ കൗൺസിൽ അംഗങ്ങൾ, മണ്ഡലം കമ്മറ്റി അംഗങ്ങൾ, ലോക്കൽ സെക്രട്ടറിമാർ എന്നിവരാണ് യോഗത്തിൽ പങ്കെടുത്തത്. കെ പി എസ് മേനോന്‍ ഓഡിറ്റോറിയത്തിൽ ചേർന്ന യോഗത്തിൽ സിപിഐ കോട്ടയം ജില്ലാ സെക്രട്ടറി അഡ്വ. വി ബി ബിനു അദ്ധ്യക്ഷത വഹിച്ചു. ആലപ്പുഴ ജില്ലാ സെക്രട്ടറി ടി ജെ ആഞ്ചലോസ് സ്വാഗതം ആശംസിച്ചു. പാർട്ടി സംസ്ഥാന എക്സിക്യൂട്ടീവ് അംഗം സി കെ ശശിധരൻ പങ്കെടുത്തു. ഇടുക്കി ജില്ലാ സെക്രട്ടറി സലിംകുമാർ കൃതജ്ഞത രേഖപ്പെടുത്തി.
English Summary: CPI regional meeting was held in Kottayam
You may also like this video
