വയനാട് പ്രകൃതിദുരന്തത്തിന്റെ പശ്ചാത്തലത്തില്‍ സിപിഐ ജനപ്രതിനിധികളും, കോർപറേഷൻ, ബോർഡ് ചെയർമാൻമാർ, മറ്റ് ഭാരവാഹികൾ എന്നിവരും ഒരു മാസത്തെ വേതനം ദുരിതാശ്വാസനിധിയിലേക്ക് വല്‍കുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം അറിയിച്ചു.
ദുരിതം അനുഭവിക്കുന്നവർക്ക് എല്ലാവിധ സഹായവും എത്തിക്കാൻ പാർട്ടി ഘടകങ്ങളും ബഹുജനസംഘടനകളും നേതൃത്വപരമായ പങ്ക് വഹിക്കണമെന്ന് ബിനോയ് വിശ്വം അഭ്യർത്ഥിച്ചു. ദുരിതം അനുഭവിക്കുന്ന ജനങ്ങളെ സഹായിക്കേണ്ടത് ഏതൊരു സമൂഹത്തിന്റെയും കടമയാണ്. പണവും സാധന സാമഗ്രികളും സംഭരിച്ച് ദുരിതബാധിതര്‍ക്ക് എത്തിക്കാന്‍ എല്ലാവരും മുന്‍കൈയെടുക്കണമെന്നും അദ്ദേഹം നിര്‍ദേശിച്ചു.
English Summary: CPI representatives will pay one month’s wages
You may also like this video
