സിപിഐ സംസ്ഥാന സമ്മേളനത്തോടനുബന്ധിച്ച് സ്വാഗതസംഘം തയാറാക്കിയ ‘ഉണർത്തുപാട്ടുകൾ 2022’ ഗാന സമാഹാരങ്ങളുടെ സിഡി പ്രകാശനം ചെയ്തു. തമ്പാനൂർ ടി വി സ്മാരക ഹാളിൽ നടന്ന ചടങ്ങില്‍ സംസ്ഥാന സെക്രട്ടറി കാനം രാജേന്ദ്രൻ സ്വാഗതസംഘം ചെയർമാൻ ജി ആർ അനിലിന് നല്കി പ്രകാശനം നിർവഹിച്ചു. കേന്ദ്ര എക്സിക്യൂട്ടീവ് അംഗം കെ ഇ ഇസ്മായിൽ, സംസ്ഥാന അസിസ്റ്റന്റ് സെക്രട്ടറിമാരായ കെ പ്രകാശ് ബാബു, സത്യൻ മൊകേരി, ജില്ലാ സെക്രട്ടറിയും സ്വാഗതസംഘം ജനറൽ കൺവീനറുമായ മാങ്കോട് രാധാകൃഷ്ണൻ തുടങ്ങിയവർ പങ്കെടുത്തു.
വയലാർ ശരത്ചന്ദ്രവർമ്മ, പി കെ ഗോപി, ആലങ്കോട് ലീലാകൃഷ്ണൻ, ബിനോയ് വിശ്വം, മുരുകൻ കാട്ടാക്കട, വി പി ഉണ്ണികൃഷ്ണൻ, രാധാകൃഷ്ണൻ കുന്നുംപുറം എന്നിവരാണ് ഗാനങ്ങൾ രചിച്ചത്. ഉദയകുമാർ അഞ്ചലാണ് സംഗീത സംവിധാനം. ജോസ് സാഗർ, ബിനു സരിഗ, ശുഭ രഘുനാഥ്, കെ എസ് പ്രിയ എന്നിവരാണ് ഗാനങ്ങള്‍ ആലപിച്ചിരിക്കുന്നത്.
English Summary:CPI State Conference: Song Compilation Released
You may also like this video
