സിപിഐ പാര്‍ട്ടി കോണ്‍ഗ്രസിന് സിപിഐ(എം) സഖാക്കളുടെ അഭിവാദ്യ പ്രകടനം ശ്രദ്ധേയമായി. പ്രതിനിധി സമ്മേളന വേദിയില്‍ ഉയര്‍ന്നത് ഐക്യ സന്ദേശം. ആ സന്ദേശമുള്‍ക്കൊണ്ടുതന്നെയാണ് കഴിഞ്ഞ ദിവസം സിപിഐയുടെ പടുകറ്റന്‍ റാലിക്ക് അഭിവാദ്യമര്‍പ്പിക്കാന്‍ സിപിഐ(എം) സഖാക്കളെത്തിയത്.
സിപിഐ(എം) പതാകയും ബാനറും ഏന്തി വിവിധ ഇടങ്ങളില്‍ നിന്ന് നല്‍കിയ അഭിവാദ്യത്തിന് പ്രത്യഭിവാദ്യം അര്‍പ്പിച്ച് സിപിഐ നേതാക്കളും സാഹോദര്യത്തിന് മാറ്റ്പകര്‍ന്നു. ഇതിന്റെ ചിത്രങ്ങള്‍ ഉപയോഗിച്ച് വസ്തുതകള്‍ വളച്ചൊടിച്ച് സിപിഐയുടെ മഹാറാലിയെ അപകീര്‍ത്തിപ്പെടുത്തുന്നതിന് ചില കോണുകളില്‍ നിന്ന് ശ്രമങ്ങളുണ്ടായി. അതേസമയം ഇടതുജനാധിപത്യ ശക്തികളുടെ ഐക്യനിരയുടെ അനിവാര്യത ഏറെ ചര്‍ച്ചചെയ്യപ്പെടുന്ന കാലഘട്ടമെന്നതിനാല്‍ ഐക്യദാര്‍ഢ്യത്തിന് പ്രസക്തിയേറി.
English Summary: CPI(M) comrades in solidarity
You may also like this video
