പത്തനംതിട്ടയില്‍ പനി ബാധിതയായി മരിച്ച പ്ലസ്ടു വിദ്യാര്‍ത്ഥിനി ഗര്‍ഭിണിയാണെന്ന കണ്ടെത്തിയ സംഭവത്തില്‍ കുട്ടിയുടെ സഹപാഠിയെ പൊലീസ് അറസ്റ്റ് ചെയ്തു. നൂറനാട് എരുമക്കുഴി അഖില്‍ ഭവനില്‍ എ അഖില്‍(18) ആണ് അറസ്റ്റിലായത്. കഴിഞ്ഞ ചോദ്യം ചെയ്യലില്‍ യുവാവ് കുറ്റം സമ്മതിച്ചിരുന്നു. പനി ബാധിച്ച് ആലപ്പുഴ വണ്ടാനം മെഡിക്കല്‍ കോളജില്‍ ചികിത്സയിലായിരുന്ന പെണ്‍കുട്ടി കഴിഞ്ഞ തിങ്കളാഴ്ചയാണ് മരിച്ചത്. തുടര്‍ന്ന് പോസ്റ്റ്മോര്‍ട്ടം നടത്തുകയും പെണ്‍കുട്ടി ഗര്‍ഭിണിയാണെന്ന് കണ്ടെത്തുകയുമായിരുന്നു.
ആദ്യം അസ്വാഭാവിക മരണത്തിന് കേസെടുത്തിരുന്നെങ്കിലും പോസ്റ്റ്മോര്‍ട്ടം റിപ്പോര്‍ട്ട് പുറത്ത് വന്നതോടെ പോക്സ് വകുപ്പ് കൂടി ചേര്‍ക്കുകയായിരുന്നു. വിദ്യാര്‍ത്ഥിനിയുടെ ബാഗില്‍ നിന്നും ഒരു കത്ത് ലഭിച്ചിരുന്നു. ഗര്‍ഭിണിയാണെന്ന വിവരം പെണ്‍കുട്ടിക്ക് അറിയാമായിരുന്നു എന്നതിന്റെ സൂചനകള്‍ കത്തിലുണ്ട്. ഇതോടെ പെണ്‍കുട്ടിയുടെ മരണം ആത്മഹത്യയാണെന്ന സംശയം പൊലീസിന് ബലപ്പെടുകയായിരുന്നു.