ദേശികൻ ഗുരുശ്രേഷ്ഠ — പ്രതിഭാ പുരസ്കാരങ്ങൾ പ്രഖ്യാപിച്ചു

ദേശികൻ വാർത്താ വാരികയുടെ 15-മത് വാർഷികത്തിൻ്റെ ഭാഗമായി കലാ ‚സാഹിത്യ ‚സാംസ്കാരിക ‚നാടക ‚കഥാപ്രസംഗ ‚നൃത്ത, മാധ്യമ മേഖലകളിൽ വ്യക്തിമുദ്ര പതിപ്പിച്ചവർക്ക് ഗുരുശ്രേഷ്ട — പ്രതിഭ പുരസ്കാരങ്ങൾ നൽകി ആദരിക്കും.. കലാസാംസ്‌കാരിക രംഗത്തെ പ്രവർത്തനങ്ങൾ വിലയിരുത്തി ആർട്ടിസ്റ്റ് സുജാതൻ, സംവിധായകൻ കെ എം ധർമ്മൻ , കലാമണ്ഡലം കലാ വിജയൻ എന്നിവർക്ക്ദേശികൻ ഗുരുശ്രേഷ്ഠ പുരസ്കാരവും ഇടക്കൊച്ചി സലിം കുമാർ (കഥാപ്രസംഗം) , സുബ്രഹ്മണ്യൻ അമ്പാടി (സാഹിത്യം) , വി എസ് ജോൺ (സാമൂഹ്യ സേവനം ), ഷാജി ഇടപ്പള്ളി ( മാധ്യമരംഗം) എന്നിവർക്ക് ദേശികൻ പ്രതിഭാ പുരസ്കാരവും സമ്മാനിക്കും. നവംബറിൽ തൃപ്പൂണിത്തുറയിൽ നടക്കുന്ന വാർഷികാഘോഷ ചടങ്ങിൽ പുരസ്കാരങ്ങൾ സമ്മാനിക്കുമെന്ന് ദേശികൻ പ്രസാധക മഞ്ജു വി എ അറിയിച്ചു