കെഎസ്ആർടിസിക്ക് ഡീസൽ; അപ്പീലുമായി എണ്ണക്കമ്പനികൾ

കെഎസ്ആർടിസിക്ക് റീട്ടെയിൽ വിലയ്ക്ക് ഡീസൽ നൽകണമെന്ന സിംഗിൾ ബഞ്ച് ഉത്തരവ് റദ്ദാക്കണമെന്നാവശ്യപ്പെട്ട് എണ്ണക്കമ്പനികൾ ഹൈക്കോടതിയിൽ അപ്പീൽ നൽകി.ഇന്ത്യൻ ഓയിൽ കോർപ്പറേഷൻ, ബിപിസിഎൽ ഓയിൽ എന്നീ കമ്പനികളാണ് അപ്പീൽ നൽകിയത്. കെഎസ്ആർടിസിയുടെ ഹർജി നിയമപരമായി നിലനിൽക്കില്ലെന്ന് എണ്ണക്കമ്പനികൾ അപ്പീലിൽ പറയുന്നു.

വില നിർണയം വിവേചനപരമെന്നും പൊതുതാത്പര്യത്തിനെതിരാണെന്നും കാണിച്ച് കെഎസ്ആര്‍ടിസി നൽകിയ ഹർജിയിൽ ഡീസലിന് അധിക നിരക്ക് ഈടാക്കിയിരുന്ന എണ്ണക്കമ്പനികളുടെ നടപടി ഹൈക്കോടതി ഇടക്കാല ഉത്തരവിലൂടെ തടഞ്ഞിരുന്നു.

പൊതുമേഖലയിലുളള കെഎസ്ആർടിസിയോട് കൂടുതൽ തുക വാങ്ങുകയും സ്വകാര്യ ബസ് ഓപ്പറേറ്റർമാരിൽ നിന്ന് കുറഞ്ഞ തുക ഈടാക്കുകയും ചെയ്യുന്ന നടപടി വിവേചനപരമാണെന്നു കോടതി അന്ന് നിരീക്ഷിച്ചിരുന്നു.

Eng­lish summary;Diesel for KSRTC; Oil com­pa­nies with appeal

You may also like this video;