ജലത്തിന്റെ പ്രാധാന്യം മനസിലാകാന്‍ മദ്യവും പുകവലിയും ശീലമാക്കാന്‍ നിര്‍ദ്ദേശിച്ച് ബിജെപി എംപി. ബിജെപി എംപി ജനാര്‍ധന്‍ മിശ്രയാണ് വിചിത്ര നിര്‍ദ്ദേശവുമായി രംഗത്ത് വന്നിരിക്കുന്നത്.‘ഭൂമി വെള്ളമില്ലാതെ വറ്റി വരളുകയാണ്, അത് സംരക്ഷിക്കപ്പെടുന്നതിന് ഗുട്ക ( ഒരുതരം പുകയില) വലിക്കുക, മദ്യം കഴിക്കുക, അയോഡെക്സ് കഴിക്കാം, ടിന്നര്‍ മണപ്പിക്കാം എന്തുവേണമെങ്കിലും കഴിക്കാം. പക്ഷെ ജലത്തിന്റെ പ്രാധാന്യം മനസിലാക്കണം, ജനാര്‍ധന്‍ മിശ്ര പറഞ്ഞു.
#WATCH | Rewa, Madhya Pradesh: “Lands are running dry of water, it must be saved… Drink alcohol, chew tobacco, smoke weed or smell thinner and solution but understand the importance of water,” says BJP MP Janardan Mishra during a water conservation workshop pic.twitter.com/Nk878A9Jgc
— ANI (@ANI) November 7, 2022
മധ്യപ്രദേശിലെ രേവയില്‍ നടന്ന ജലസംരക്ഷണ ശില്‍പശാലയിലാണ് ജനാര്‍ദന്‍ മിശ്ര വിചിത്രപരാമര്‍ശം നടത്തിയത്. ഏതെങ്കിലും സര്‍ക്കാര്‍ ജലനികുതി ഒഴിവാക്കുമെന്ന് പ്രഖ്യാപിക്കുകയാണെങ്കില്‍, മറ്റെന്ത് നികുതി വേണമെങ്കിലും ഒഴിവാക്കിക്കോളു എന്നും ജലനികുതി ഞങ്ങള്‍ അടയ്ക്കാമെന്ന് സര്‍ക്കാരിനോട് പറയണമെന്നുംഅദ്ദേഹം പറഞ്ഞു. നവംബര്‍ 6 ന് ജില്ലയിലെ രേവ കൃഷ്ണരാജ് കപൂര്‍ ഓഡിറ്റോറിയത്തിലാണ് ശില്‍പശാല സംഘടിപ്പിച്ചത്. അദ്ദേഹത്തിന്റെ പ്രസംഗത്തിന്റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്.
വിചിത്രമായ പ്രസ്താവനകളിലൂടെ നേരത്തെയും മിശ്ര വാര്‍ത്തകളില്‍ ഇടം നേടിയിട്ടുണ്ട്. അടുത്തിടെ, തന്റെ കൈകൊണ്ട് ടോയ്‌ലറ്റ് വൃത്തിയാക്കുന്ന അദ്ദേഹത്തിന്റെ ഒരു വീഡിയോ വൈറലായിരുന്നു.
English Summary: ‘Drink alcohol, smoke goodka, save water’; BJP MP with a strange statement
You may also like this video