കാക്കനാട് ജില്ലാ ജയിലിൽ നിന്ന് 9.12 ഗ്രാം തൂക്കം വരുന്ന ഹാഷിഷ് ഓയിലും ബീഡികളും കണ്ടെടുത്തു. മോഷണക്കേസിന് ജയിലിൽ കഴിയുന്ന തിരുവനന്തപുരം സ്വദേശി തിയോഫിൻറെ കയ്യിൽ നിന്നാണ് മയക്കുമരുന്ന് പിടിച്ചെടുത്തത്.
കൈലിയിൽ പോക്കറ്റ് ഘടിപ്പിച്ച് ചെറിയ രണ്ട് ഡെപ്പകളിലായാണ് മയക്കുമരുന്ന് സൂക്ഷിച്ചിരുന്നത്. ഇയാളെ ഇന്നലെ തൃപ്പൂണിത്തുറ JFCM കോടതിയിൽ ഹാജരാക്കി തിരികെ എത്തിയപ്പോഴാണ് മയക്കുമരുന്ന് കണ്ടെത്തിയത്. സംഭവത്തിൽ പൊലീസ് കേസെടുത്തിട്ടുണ്ട്.