സിപിഐ സംസ്ഥാന അസിസ്റ്റന്റ് സെക്രട്ടറിമാരായി ഇ ചന്ദ്രശേഖരൻ എംഎൽഎ, പി പി സുനീർ എന്നിവർ തെരഞ്ഞെടുക്കപ്പെട്ടു. കെ ആർ ചന്ദ്രമോഹനന്റെ അധ്യക്ഷതയിൽ ചേർന്ന സംസ്ഥാന കൗൺസിൽ യോഗം 21 അംഗ സംസ്ഥാന എക്സിക്യൂട്ടീവിനെയും തെരഞ്ഞെടുത്തു. കെ ആർ ചന്ദ്രമോഹനനാണ് സംസ്ഥാന ട്രഷറര്‍.
എക്സിക്യൂട്ടീവ് അംഗങ്ങൾ: കാനം രാജേന്ദ്രൻ, ഇ ചന്ദ്രശേഖരൻ, പി പി സുനീർ, സത്യൻ മൊകേരി, ടി വി ബാലൻ, പി വസന്തം, വി ചാമുണ്ണി, സി എൻ ജയദേവൻ, കെ പി രാജേന്ദ്രൻ, കെ രാജൻ, രാജാജി മാത്യു തോമസ്, കമലാ സദാനന്ദൻ, കെ കെ അഷ്റഫ്, സി കെ ശശിധരൻ, പി പ്രസാദ്, ജെ ചിഞ്ചുറാണി, മുല്ലക്കര രത്നാകരൻ, കെ ആർ ചന്ദ്രമോഹനൻ, ആർ രാജേന്ദ്രൻ, ജി ആർ അനിൽ, എൻ രാജൻ.
സംസ്ഥാന കൺട്രോൾ കമ്മിഷൻ യോഗം ചേർന്ന് സി പി മുരളിയെ ചെയർമാനായി തെരഞ്ഞെടുത്തു. അദ്ദേഹം എക്സിക്യൂട്ടീവിലെ എക്സ് ഒഫീഷ്യോ അംഗമാണ്. വി എസ് പ്രിൻസിനെ സെക്രട്ടറിയായും തെരഞ്ഞെടുത്തു. സംസ്ഥാന സെക്രട്ടറി കാനം രാജേന്ദ്രൻ, ദേശീയ സെക്രട്ടേറിയറ്റംഗം ബിനോയ് വിശ്വം, ദേശീയ എക്സിക്യൂട്ടീവ് അംഗം കെ പ്രകാശ്ബാബു എന്നിവർ യോഗത്തിൽ പങ്കെടുത്തു.
English Summary: e chandrasekharan and P P Suneer are State Assistant Secretaries
You may also like this video
