ഡൽഹി എൻസിആറിൽ ശക്തമായ ഭൂചലനം അനുഭവപ്പെട്ട് മണിക്കൂറുകൾക്ക് ശേഷം ബിഹാറിലും ഭൂചലനം. റിക്ടർ സ്കെയിലിൽ 4 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. ഡല്ഹിയിലുണ്ടായതിന്റെ തുടര്ച്ചലനമാണോ ബിഹാറില് അനുഭവപ്പെട്ടത് എന്നതില് വ്യക്തതയില്ല. അതേസമയം, 10 കിലോ മീറ്റര് ആഴത്തിലാണ് ഇതിന്റെ പ്രഭവ സ്ഥാനമെന്നാണ് ദേശീയ ഭൂകമ്പപഠന കേന്ദ്രം പറയുന്നത്.
തിങ്കളാഴ്ച രാവിലെ 8.27 ന് 10 കിലോമീറ്റർ താഴെയാണ് ബിഹാറിൽ ഭൂചലനം ഉണ്ടായത്. ഇതുവരെ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. ഭൂകമ്പത്തിന്റെ പ്രഭവകേന്ദ്രം ബീഹാറിലെ സിവാൻ ജില്ലയാണെന്ന് നാഷണൽ സെന്റർ ഓഫ് സീസ്മോളജി അറിയിച്ചു.തിങ്കളാഴ്ച രാവിലെ 5.36 ന് ഡൽഹിയിൽ റിക്ടർ സ്കെയിലിൽ 4 തീവ്രത രേഖപ്പെടുത്തിയ ഭൂകമ്പം ഉണ്ടായി മൂന്ന് മണിക്കൂറിന് ശേഷമാണ് ഇത്. ഡൽഹിയിൽ 5 കിലോമീറ്റർ ആഴത്തിലാണ് ഭൂകമ്പത്തിന്റെ പ്രഭവകേന്ദ്രം.ഡൽഹി, നോയിഡ, ഗ്രേറ്റർ നോയിഡ, ഗാസിയാബാദ് എന്നിവിടങ്ങളിൽ ശക്തമായ ചലനം അനുഭവപ്പെട്ടതായാണ് വിവരം