എറണാകുളം കാക്കനാട് യുവാവ് ഷോക്കേറ്റ് മരിച്ചു

കാക്കനാട് അത്താണിയിൽ വീട്ടുമുറ്റത്തെ കുഴൽക്കിണർ നിർമാണത്തിനിടെ ഷോക്കേറ്റ് യുവാവ് മരിച്ചു. അത്താണി സ്വദേശിയായ നൗഷാദ് ഉമ്മർ(44) ആണ് മരിച്ചത്. വീടിനോട് ചേർന്നുള്ള കിണറിൽ നിന്ന് ചെളി നീക്കം ചെയ്യുന്നതിനിടെയാണ് നൗഷാദിന് ഷോക്കേറ്റത്. ഉടൻതന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കാക്കനാട്ടെ ഓട്ടോ തൊഴിലാളിയും ഫുട്ബോൾ പരിശീലകനുമാണ് നൗഷാദ്.