ഇടുക്കി മറയൂരിൽ സര്‍വീസില്‍ നിന്ന് വിരമിച്ച പൊലീസ് ഉദ്യോഗസ്ഥനെ ബന്ധു വെട്ടിക്കൊലപ്പെടുത്തി. മറയൂർ സ്വദേശി റിട്ട.പൊലീസ് സബ് ഇൻസ്പെക്ടർ ലക്ഷ്മണനാണ് (65) കൊല്ലപ്പെട്ടത്.
ലക്ഷ്മണന്റെ സഹോദരിയുടെ മകൻ ശിവ എന്നു വിളിക്കുന്ന അരുണാണ് ലക്ഷ്മണനെ കൊലപ്പെടുത്തിയത്. ഇന്നലെ വൈകിട്ടായിരുന്നു സംഭവം. പ്രതിയെ പൊലീസ് കസ്റ്റഡിയിലെടുത്തു. ഇയാളുടെ അറസ്റ്റ് രേഖപ്പെടുത്തിയ ശേഷം കോടതിയില്‍ ഹാജരാക്കുമെന്ന് പൊലീസ് അറിയിച്ചു. കുടുംബ പ്രശ്‌നങ്ങളാണ് കൊലപാതകത്തിന് കാരണമെന്ന് പൊലീസ് പറയുന്നു. തമിഴ്നാട് പൊലീസില്‍ സബ് ഇന്‍സ്‌പെക്ടറായാണ് ലക്ഷ്മണന്‍ വിരമിച്ചത്. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം നാളെ ബന്ധുക്കള്‍ക്ക് വിട്ടുകൊടുക്കും.
English Summary: Ex-police officer hacked to death by sister’s son in Idukki
You may also like this video
