നാല് വയസുള്ള ഇരട്ടക്കുട്ടികളെ കഴുത്ത് ഞെരിച്ച് കൊലപ്പെടുത്തി പിതാവ്. സംഭവത്തില്‍ ദാവൻഗെരെ നഗരത്തിലെ ആഞ്ജനേയ ബാരങ്കേയിൽ താമസിക്കുന്ന അമർ (36)നെ പൊലീസ് അറസ്റ്റ് ചെയ്തു. കര്‍ണാടകയിലെ ദാവൻഗെരെ ജില്ലയില്‍ ബുധനാഴ്ചയായിരുന്നു ഞെട്ടിക്കുന്ന സംഭവം.
രാത്രി 10.30 ഓടെ ചളഗേരി ടോൾഗേറ്റിന് സമീപമുള്ള സർവീസ് റോഡിൽ വച്ച് അമർ തന്റെ 4 വയസ്സുള്ള ഇരട്ടകളായ അദ്വൈത്, അൻവീത് എന്നിവരെ ശ്വാസം മുട്ടിച്ച് കൊലപ്പെടുത്തുകയായിരുന്നു. സംഭവസമയത്ത് ഭാര്യ ജയലക്ഷ്മി തന്റെ വിജയപുരയിലുള്ള വീട്ടിലായിരുന്നു.
ശാരീരിക വെല്ലുവിളി നേരിടുന്ന കുട്ടികളെ നോക്കാനുള്ള ബുദ്ധിമുട്ട് കാരണമാണ് കൊലപാതകം നടത്തിയതെന്ന് ഇയാള്‍ പൊലീസിനോട് പറഞ്ഞു. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
English Summary: Father held for strangling his 4‑year-old twins to death
You may also like this video
