കൊല്ലം പരവൂരില്‍ ഓടുന്ന ബസില്‍ തീയും പുകയും. മീയണ്ണൂര്‍ ഡല്‍ഹി പബ്ലിക് സ്‌കൂളിലെ ബസിലാണ് സംഭവം. ബസിന്റെ എന്‍ജിന്‍ ഭാഗത്ത് നിന്നായിരുന്നു തീയും പുകയും ഉയര്‍ന്നത്. 31 കുട്ടികളാണ് ഈ സമയം ബസിലുണ്ടായിരുന്നത്. ഉടന്‍ തന്നെ ബസിലെ ജീവനക്കാര്‍ കുട്ടികളെ പുറത്തിറക്കിയതിനാല്‍ അപകടം ഒഴിവായി. ഷോര്‍ട്ട് സര്‍ക്യൂട്ടാകാം തീയും പുകയും ഉയരാന്‍ കാരണമെന്നാണ് പ്രാഥമിക നിഗമനം. സമീപത്തുണ്ടായിരുന്ന വീട്ടുകാര്‍ വെള്ളം എത്തിച്ച് തീ അണയ്ക്കാന്‍ ശ്രമിച്ചു. തൊട്ടു പിന്നാലെ ഫയര്‍ ഫോഴ്‌സ് എത്തുകയും തീ പൂര്‍ണമായും അണയ്ക്കുകയും ചെയ്തു.
ഓടിക്കൊണ്ടിരുന്ന സ്ക്കൂൾ ബസിൽ തീയും പുകയും; കുട്ടികളെ മാറ്റി
