ഗുജറാത്തിലെ ബനസ്കന്ത ജില്ലയിൽ ഒരു പടക്ക നിർമാണ ശാലയിലുണ്ടായ തീപിടുത്തതിൽ കെട്ടിടത്തിൻറെ ഒരു ഭാഗം തകർന്നുവീണ് 13 പേർ മരിച്ചതായി റിപ്പോർട്ട്. പ്രാഥമിക വിവരങ്ങൾ അനുസരിച്ച് പടക്ക നിർമാണ ശാലയിൽ സ്ഫോടനമുണ്ടായതിനെത്തുർന്ന് തീപിടിക്കുകയും കെട്ടിടത്തിൻറെ ഒരു ഭാഗം തകർന്നു വീഴുകയുമായിരുന്നു. പല ആളുകളും കെട്ടിടാവശിഷ്ടങ്ങൾക്കുള്ളിൽ കുടുങ്ങിക്കിടക്കുന്നതായി സബ് ഡിവിഷണൽ മജിസ്ട്രേറ്റ് ദീസ നേഹ പഞ്ചൽ പറഞ്ഞു.
ആദ്യം 7 പേർ മരണപ്പെട്ടെന്നാണ് വിവരങ്ങൾ പുറത്തു വന്നത്. എന്നാൽ ഉച്ചയോടെ മരണനിരക്ക് 13 ആയി ഉയരുകയായിരുന്നു. ഡീസ മുനിസിപ്പാലിറ്റിയിലെ അഗ്നിശമന പ്രവർത്തകരാണ് തീയണച്ചത്. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരെ പുറത്തെത്തിക്കാനുള്ള രക്ഷാപ്രവർത്തനങ്ങൾ തുടരുകയാണെന്നും അധികൃതർ വ്യക്തമാക്കി.