രക്തസാക്ഷി സ്മരണകളിരമ്പുന്ന വയലാറിന് അരുണശോഭ പകർന്ന് സിപിഐ സംസ്ഥാന സമ്മേളന നഗറിൽ ഉയർത്താനുള്ള പതാക പ്രയാണം തുടങ്ങി . രാവിലെ എട്ടിന് വയലാർ രക്തസാക്ഷി മണ്ഡപത്തിൽ സംസ്ഥാന കൗൺസിൽ അംഗം പി കെ മേദിനി ജാഥാ ക്യാപ്റ്റൻ എഐവൈഎഫ് സംസ്ഥാന സെക്രട്ടറി ടിടി ജിസ്‌മോന് പതാക കൈമാറി. കൃഷിമന്ത്രി പി പ്രസാദ് മുഖ്യ പ്രഭാഷണം നടത്തി. വൈസ് ക്യാപ്റ്റൻ എഐഎസ്എഫ് സംസ്ഥാന സെക്രട്ടറി പി കബീർ പ്രസംഗിച്ചു. സംഘാടക സമിതി ചെയർമാൻ എം കെ ഉത്തമൻ അദ്ധ്യക്ഷനായിരുന്നു. സംഘാടക സമിതി കൺവീനർ എം സി സിദ്ധാർത്ഥൻ സ്വാഗതം പറഞ്ഞു. ജില്ലാ സെക്രട്ടറി ടി ജെ ആഞ്ചലോസ്, സംസ്ഥാന കൗൺസിൽ അംഗങ്ങളായ പി വി സത്യനേശൻ, ദീപ്തി അജയകുമാർ എന്നിവർ പങ്കെടുത്തു . പകൽ നാലോടെ ആലപ്പുഴ , കൊല്ലം ജില്ലകളുടെ അതിർത്തി പങ്കിടുന്ന ഓച്ചിറയിൽ കൊല്ലം ജില്ലാ സെക്രട്ടറി പി എസ് സുപാൽ എം എൽ എയുടെ നേതൃത്വത്തിൽ ജാഥയെ സ്വീകരിച്ചു .
english summary: flag march updation
you may also like this video:
