മുൻ റിസർവ് ബാങ്ക് ഗവർണർ ഊർജിത് പട്ടേലിനെ ഇന്ത്യൻ മോണിറ്ററി ഫണ്ടിൻറെ എക്സിക്യൂട്ടീവ് ഡയറക്ടറായി നിയമിച്ചു. 2016 സെപ്റ്റംബർ 4നായിരുന്നു ആർബിഐയുടെ 24ാമത് ഗവർണറായി പട്ടേൽ ചുമതലയേറ്റത്.
എന്നാൽ ചില വ്യക്തിഗത കാരണങ്ങളാൽ കാലാവധി പൂർത്തിയാക്കുന്നതിന് മുൻപ് അദ്ദേഹത്തിന് സ്ഥാനമൊഴിയേണ്ടി വന്നു. സാമ്പത്തിക വിദഗ്ധനും മുൻ ആർബിഐ ഗവർണറുമായ പട്ടേലിനെ ഇൻറർനാഷണൽ മോണിറ്ററി ഫണ്ട് എക്സിക്യൂട്ടീവ് സ്ഥാനത്ത് മൂന്ന് വർഷത്തേക്ക് നിയമിക്കുന്നതിനായി ക്യാബിനറ്റിൻറെ അപ്പോയിൻറ്മെൻറ് കമ്മിറ്റി അംഗീകാരം നൽകിയതായി ഓഗസ്റ്റ് 28ലെ ഉത്തരവിൽ പറയുന്നു.
1990ന് ശേഷം തൻറെ കാലാവധി കഴിയുന്നതിന് മുൻപ് സ്ഥാനമൊഴിയുന്ന ആദ്യ ഗവർണറായിരുന്നു പട്ടേൽ. നേരത്തെ അന്താരാഷ്ട്ര നാണയ നിധിയിലും അദ്ദേഹം സേവനമനുഷ്ഠിച്ചിട്ടുണ്ട്.