പിന്നോട്ട് എടുക്കുന്നതിനിടയില്‍ വീട്ട് മുറ്റത്ത് നിന്നും നിയന്ത്രണം വിട്ട കാര്‍ താഴെ റോഡിലേയക്ക് പതിച്ചു. നെടുങ്കണ്ടം പാറക്കടവില്‍ വീട്ടില്‍ ആന്റണി, ഭാര്യ സാലി എന്നിവരാണ് അപകടസമയത്ത് കാറില്‍ ഉണ്ടായിരുന്നത്. സാരമായ പരിക്കുകള്‍ പറ്റിയ ഇരുവരേയും കാറിന്റെ ചില്ലുതകര്‍ത്താണ് പുറത്തെത്തിച്ചത്. ബന്ധു വീട്ടിലേയ്ക്ക് പോകുന്നതിനായി കാര്‍ വീട്ട് മുറ്റത്ത് തിരിക്കുന്നതിനിടയിലാണ് വിടിന്റെ സംരക്ഷണവേലി തകര്‍ത്ത് 30 അടിയോളം താഴ്ചയുള്ള റോഡിലേയക്ക് മറിഞ്ഞത്.
ഓടിക്കൂടിയ നാട്ടുകാരാണ് രക്ഷപ്രവര്‍ത്തനം നടത്തി ഇരുവരേയും പുറത്തെടുത്തത്. തലയ്ക്കും കൈകാലുകള്‍ക്കും സാരമായ പരിക്കേറ്റ സാലിയെ നെടുങ്കണ്ടം മെഡിക്കല്‍ ട്രസ്റ്റ് ഹോസ്പിറ്റലില്‍ പ്രവേശിപ്പിച്ചു. നെടുങ്കണ്ടത്ത് നിന്നും അഗ്നിശമന രക്ഷാസേന സംഭവസ്ഥലത്ത് എത്തി.
English Summary: car meet with accident in Idukki
You may also like this video
