കൊച്ചിയില്‍ വയോധിക കൊലപ്പെടുത്തിയ സംഭവത്തില്‍ കൊച്ചുമകളും ഭര്‍ത്താവും അറസ്റ്റില്‍. രാമേശ്വരം കോളനിയില്‍ പുളിക്കല്‍ വീട്ടില്‍ കര്‍മിലി (76) യാണ് കൊല്ലപ്പെട്ടത്. ഇവരുടെ കൊച്ചുമകളായ ഗ്രീഷ്മ (27) ഭര്‍ത്താവ് ആന്റണി എന്നിവരെയാണ് പൊലീസ് അറസ്റ്റ് ചെയ്തത്.
കര്‍മിലി ഗ്രീഷ്മയ്ക്കും ഭര്‍ത്താവിനൊപ്പമാണ് താമസിച്ചിരുന്നത്. ചൊവ്വാഴ്ച രാവിലെ സാമ്പത്തിക കാര്യവുമായി ബന്ധപ്പെട്ട് കര്‍മിലിയും ഇവരുമായി തര്‍ക്കമുണ്ടായിരുന്നു. തുടര്‍ന്ന് കര്‍മിലിയെ വീട്ടിനകത്ത് മരിച്ച നിലയില്‍ കണ്ടെത്തുകയായിരുന്നു. കൈയേറ്റത്തിനിടയില്‍ കര്‍മിലി തലയടിച്ച് വീഴുകയാണുണ്ടായതെന്ന് ആന്റണി മൊഴി നല്‍കിയിരുന്നു. എന്നാല്‍ ശരീരത്തില്‍ അടിയേറ്റ പാടുകളുണ്ടായിരുന്നുവെന്ന് പൊലീസ് പറയുന്നു.
കൊലയ്ക്കുശേഷം ആന്റണിയും ഗ്രീഷ്മയും ചേര്‍ന്ന് ചോര പുരണ്ട വസ്ത്രങ്ങള്‍ ബീച്ച് റോഡില്‍ കടപ്പുറത്ത് ഒളിപ്പിച്ചത് പൊലീസ് കണ്ടെത്തിയിരുന്നു.
English Summary: Granddaughter and husband arrested for murdering elderly woman
You may also like this video
