മദ്യപിക്കാൻ പണത്തിന് വേണ്ടി അച്ഛമ്മയെ വെട്ടിക്കൊന്ന കേസിൽ പ്രതിക്ക് ജീവപര്യന്തം തടവും 30,000 രൂപ പിഴയും. വടക്കാഞ്ചേരി — പുതുരുത്തി നെയ്യൻപടി പട്ടുകുളങ്ങര വീട്ടിൽ സുജിത്തിനെയാണ് (30) തൃശൂർ ജില്ലാ സെഷൻസ് കോടതി ശിക്ഷിച്ചത്. 2016 ജനുവരി 1 ന് വെളുപ്പിനാണ് കേസിനാസ്പദമായ സംഭവം. സുജിത്തിന്റെ സഹോദരിയുടെ പ്രസവ ആവശ്യത്തിനായി അമ്മയും അച്ഛനും പുറത്തു പോയ സമയം പണത്തിന് വേണ്ടി അച്ഛമ്മ രുഗ്മിണിയെ (63) വെട്ടിക്കൊലപ്പെടുത്തി ആഭരണങ്ങൾ മോഷ്ടിച്ച് നാടുവിട്ടു പോവുകയായിരുന്നു. പബ്ലിക് പ്രോസിക്യൂട്ടർ അഡ്വ. ഡിനി ലക്ഷ്മണൻ പ്രോസിക്യൂഷനു വേണ്ടി ഹാജരായി.
English Summary: Grandma was hacked to death; Accused sentenced to life imprisonment and fine
You may also like this video
