ജമ്മു കശ്മീരിലെ ശ്രീനഗറില്‍ ഞായറാഴ്ച ചന്തയ്ക്ക് നേരെയുണ്ടായ ഗ്രനേഡ് ആക്രമണത്തില്‍ 12 പേര്‍ക്ക് പരിക്ക്. പരിക്കേറ്റവരില്‍ ഭൂരിഭാഗവും നാട്ടുകാരാണ്. ലാല്‍ ചൗക്കിന് സമീപമാണ് സ്ഫോടനം ഉണ്ടായത്. ആക്രമണം വളരെയധികം അസ്വസ്ഥത ഉണ്ടാക്കിയെന്നും സാധാരണ ജനങ്ങളെ ലക്ഷ്യം വച്ച് നടത്തിയ ആക്രമണത്തിന് യാതൊരു ന്യായവും പറയാന്‍ കഴിയില്ലെന്നും ജമ്മു കശ്മീര്‍ മുഖ്യമന്ത്രി ഒമര്‍ അബ്ദുള്ള പ്രതികരിച്ചു. കഴിഞ്ഞ കുറച്ച് ദിവസങ്ങളായി ഭീകരരും സുരക്ഷാ സേനയും തമ്മില്‍ ഏറ്റുമുട്ടല്‍ നടക്കുകയാണ്. ഇന്നലെ ശ്രീനഗറിലെ ഖന്യാര്‍ മേഖലയില്‍ സൈന്യം ഒരു ലഷ്ക്കര്‍ ഇ തൊയിബ ഭീകരനെ വെടിവച്ച് വീഴ്ത്തിയിരുന്നു.
ശ്രീ നഗറില്‍ ഗ്രനേഡ് ആക്രമണം; 12 പേര്‍ക്ക് പരിക്ക്
