സിക്കിമിലെ ചാംഗു നാഥുല ബെൽറ്റിലുണ്ടായ കനത്ത മഞ്ഞ് വീഴ്ചയെത്തുടര്ന്ന് കുട്ടികളടക്കം 46 വിനോദ സഞ്ചാരികളെ ഇന്ത്യ സൈന്യം രക്ഷപ്പെടുത്തി. കാലാവസ്ഥയില് മാറ്റങ്ങളുണ്ടാകുന്നത് വരെ ടൂറിസ്റ്റുകളെ 17ാം മൈല് സൈനിക ക്യാമ്പിലേക്ക് മാറ്റിയിരിക്കുകയാണ്. മഞ്ഞുവീഴ്ചയെ തുടർന്ന്, ജവഹർലാൽ നെഹ്റു (ജെഎൻ) റോഡിൽ സിപ്സുവിനും 16-ാം മൈലിനും ഇടയിലുള്ള സാങ്കുവിന് സമീപം ഞായറാഴ്ച ഏകദേശം 350 വിനോദസഞ്ചാര വാഹനങ്ങൾ കുടുങ്ങിപ്പോയിരുന്നു.
മഞ്ഞുമൂടിയ പ്രദേശത്ത് കുടുങ്ങിക്കിടക്കുന്ന വിനോദസഞ്ചാരികളെയും ഡ്രൈവർമാരെയും സുരക്ഷിതമായി ഒഴിപ്പിക്കാൻ പോലീസ്, സൈന്യം, GREF (ജനറൽ റിസർവ് എഞ്ചിനീയർ ഫോഴ്സ്), പ്രദേശവാസികള് എന്നിവർ ഉൾപ്പെട്ട സംഘം ഏകോപിത പ്രവർത്തനം നടത്തിയിരുന്നു.
ഞായറാഴ്ച ഉച്ചയ്ക്ക് ശേഷം പാക്യോങ്, ഗാങ്ടോക്ക്, മംഗൻ ജില്ലകളിൽ ഇടിമിന്നലോടും മിന്നലോടും കൂടിയ മഴയോ മഞ്ഞുവീഴ്ചയോ ഉണ്ടാകാനുള്ള സാധ്യത കണക്കിലെടുത്ത് കേന്ദ്ര കാലാവസ്ഥ വകുപ്പ് യെല്ലോ അലേര്ട്ട് പ്രഖ്യാപിച്ചിരുന്നു.