സിപിഐ സംസ്ഥാന സമ്മേളനത്തിന്റെ ഭാഗമായി ചരിത്ര പ്രദർശനവും പുസ്തകോത്സവവും ആരംഭിച്ചു. ഭക്ഷ്യ മന്ത്രി ജി ആർ അനിൽ ഉദ്ഘാടനം ചെയ്തു. സംസ്ഥാന സമ്മേളനത്തോടനുബന്ധിച്ച് സംഘടിപ്പിച്ച സാംസ്കാരിക പരിപാടികളിലും സെമിനാറുകളിലും വച്ച് ശ്രദ്ധേയമായ വേദിയാണ് പുസ്തകോത്സവത്തിന്റേത് എന്ന് മന്ത്രി പറഞ്ഞു.
അയ്യന്‍കാളി സ്മാരക ഹാളില്‍ നടക്കുന്ന ചരിത്ര പ്രദർശനവും പുസ്തകോത്സവവും രണ്ടിന് അവസാനിക്കും. എക്സിബിഷന്‍ കമ്മിറ്റി ചെയര്‍മാന്‍ കെ എസ് സജികുമാര്‍ അധ്യക്ഷനായി. കണ്‍വീനര്‍ സുധികുമാര്‍ സ്വാഗതവും എഐഎസ്എഫ് ജില്ലാ സെക്രട്ടറി ശരണ്‍ ശശാങ്കന്‍ നന്ദിയും പറഞ്ഞു. സിപിഐ സംസ്ഥാന കൗണ്‍സില്‍ അംഗങ്ങളായ വി പി ഉണ്ണികൃഷ്ണന്‍, അരുണ്‍ കെ എസ് എന്നിവര്‍ പങ്കെടുത്തു.