കളിക്കളത്തില്‍ മാത്രമല്ല, ലോകഫുട്ബോള്‍ നായകന്‍ ലയണല്‍ മെസിയുടെ തന്ത്രവും കുതന്ത്രവും. ജീവിതത്തിലും മെസി ചിലതെല്ലാം പയറ്റിയ കഥ ആരാധകര്‍ക്ക് മുന്നില്‍ വിവരിച്ചത് സഹതാരം ഇവാൻ റാക്കിറ്റിച്ച്. മെസി ബാഴ്സലോണയിൽ താമസിക്കുമ്പോൾ ബഹളക്കാരായ അയൽവാസികളെ ഒഴിവാക്കാൻ അദ്ദേഹം സ്വീകരിച്ച മാർഗം സിമ്പിളായിരുന്നു. കേട്ടാല്‍ ബഹുരസവും. ശല്യമായി തീര്‍ന്ന ബഹളവും ബഹളക്കാരെയും ഇല്ലാതാക്കിയത് ആ വീട് തന്നെ വിലയ്ക്കുവാങ്ങിയാണത്രെ.
ക്രൊയേഷ്യൻ മാധ്യമമായ നോവി ലിസ്റ്റിന്റെ അഭിമുഖത്തിലാണ് റാക്കിറ്റിച്ച് മെസി നാടന്‍തന്ത്രം വിവരിച്ചത്. ബഹളക്കാരായിരുന്ന അയൽക്കാരെ ഒഴിവാക്കിയ മെസി, തന്റെ കുടുംബത്തോടൊപ്പം സ്വസ്ഥമായി താമസിക്കുകയായിരുന്നു. 2021ൽ ബാഴ്സലോണ ക്ലബ്ബ് വിടുന്നതുവരെ മെസ്സി തെക്ക്-പടിഞ്ഞാറൻ കടൽത്തീര പട്ടണമായ കാസ്റ്റൽഡെഫെൽസിലാണ് താമസിച്ചിരുന്നത്. 2009ൽ 1.8 ദശലക്ഷം യൂറോയ്ക്കാണ് മെസി ഇവിടെ വീട് വാങ്ങിയത്.
English Sammury: History fof Footballer Lionel Messi’s House in Barcelona
